Gaur egun, informazio aroan gaude, informazioz
inguratuta gaude eta gainera informazio hori uneoro eskuragarri daukagu
Internet dela eta. Argi dago honek abantaila pilo ekar ditzakeela, erabilera
egokia ematen jakinez gero. Erabiltzen jakin ezean, informazio zurrunbilo
batean sar gaitezke zeinetan ez dakigun egia gezurretik ezta baliogarria
baliogabetik ezberdindu. Hau dela eta, hezkuntzak zeregin handia dauka ikasleek
Teknologia Berrien erabilera kritikoa gara dezaten.
Hezkuntza sistema osoak Teknologia Berrien eragina
jasan du azken urteotan. Gure gizartean, Teknologiak gero eta eremu gehiagotan
daude, biztanleak informazio iturri anitzez betez. Gure ikasleak ere,
teknologia hauekin bizi dira. Gure ikasleak gainera, teknologia mundu honetan
jaio dira, ez zaizkie arrotzak egiten. Hau honela dela, Teknologiak izugarrizko
errekurtso didaktikoa izan daitezke, baina hauek zelan erabili jakitekotan.
Hasieran aipatutako moduan, informazio ugariz
inguratuta gaude. Informazio hau abiadura handiz hasten eta aldatzen doa. Honek
esan nahi du, gaur ikasitakoa, beharbada urte batzuen buruan zaharkituta geratu
dela. Honek azalerazten du “Long Life Learning” kontzeptua, hau da, gizakiak
bizitza osoan zehar ikasten aritzeko daukan beharra. Hau kontutan hartuta,
jadanik ez lirateke baliozkoak izango informazioa buruz ikastera bideratzen
gaituzten orain arteko hezkuntza formalaren helburuak. Gaitasunen lorpenera
bideratzen gaituzten helburuak dira hezkuntzan garrantzia hartu behar dutenak.
Goiko guztia kontutan hartuta, hauek izango
lirateke gaur egungo hezkuntzaren erronkak Web 2.0-ri begira:
- Irakasleak formazioa jasotzea irakasteko modu
berriei egokitzeko. Klaseetan teknologia berriak sartzea eta Web 2.0-rekin lan
egiteak, irakasleen aldetik metodologia aldaketa izugarria suposatzen du. Jadanik,
irakaslea ez da izango klaseko informazio iturri bakarra. Izan ere, irakaslea
berarentzat ere ezezaguna den informazioaz inguratuta egongo da. Irakasleak
prest egon beharko dira informazio horrekin lan egiteko, ikasleak informazioa
modu kritiko batean bilatzen, aukeratzen, antolatzen eta sortzen irakasteko.
Irakaslearen rola ezin izango da izan informazioa transmititzen duen
pertsonarena, baizik eta Web 2.0-k eskura jartzen dituen errekurtsoak
hezkuntzarako egokitu eta ikasleei errekurtso horiekin era kritikoan lan egiten
laguntzen dienarena.
- Ikasleak gizartean bizitzeko heztea. Horretarako,
ezinbestekoa izango da etengabe ikasten jarraitu ahal izateko gaitasunak
lortzea, teknologia berrien erabilpen autonomo, arduratsu eta kritikoa egiten
ikasiz. Inguratzen dituen informazioa aukeratzen eta interpretatzen jakin behar
dute. Informazioa iturri anitzetatik etor daitekeela jakin, eta iturrien
arabera asko alda daitekeela.
- Errekurtsoak berritzea, bai eskoletako ekipamenduari
dagokionez, bai Web-ean aurkitu dezakegun errekurtsoei dagokionez.
Lehenengorako, eskolek aztertu egin beharko dute zeintzuk ekipamendu diren
egokienak, zeintzuk ematen dituzten erabilpen gehien, zaintza gutxien, zeintzuk
diren merkeenak …
-
Edukiak gaitasun batzuk lortzeko bide bezala
ulertzea eta ez helburu moduan.